Засвар механикийн заводын зарим цехийн шинэчлэлтэй холбогдуулан шинээр баригдсан, зориулалт нь өөрчлөгдсөн болон гал түймрийн эсрэг систем өмнө нь суурилагдаагүй объектууд дээр “Талст билэгт”, “Эрин гүрэн” компаниуд галын дохиоллын автомат болон гал унтраах бие даасан систем суурилуулж Эрдэнэт үйлдвэрийн галын автоматикийн нэгдсэн системийн хяналтад оруулсан. Ингэхдээ  нэгдсэн системийн техникийн боломжид тохируулан тусад нь систем болгон суурилуулсан аж. Ашиглалтын явцад Засвар механикийн заводын ээлжийн диспетчеруудад хянаж-удирдахад зэрэгцэж ажиллах, андуурагдах зэрэг хүндрэл  бий болжээ. Үүнийг  шийдэх, системийн ашиглалтын зардлыг бууруулах, найдвартай ажиллагааг сайжруулах зорилгоор ХМТАЦ-ийн Галын автоматикийн хэсгийн “Дөл” БЧД-ийн хамт олон засварчин Э.Мөнхжилийн “Нэг систем-хоёр объект” саналыг хэрэгжүүлэхээр бэлтгэлээ хангаж байна. “Энэхүү хоёр системийг нэгтгэх ажил нь галын автоматикийн системийн бүтцийг өөрчлөх, галын дохиоллын салбар шугамуудын оновчтой зохион байгуулалттай хосолсноор Засвар механикийн заводын галын автоматикийн системийг өөрчлөн сайжруулах ажил болж байгаа юм. Энэ ажлыг хэрэгжүүлснээр тус заводын галын автоматикийн системийн ашиглалт сайжирч, ашиглалтын зардал буурч, системийн эвдрэл гэмтэл, хуурмаг ажиллагааны давтамж багасаж, улмаар найдвартай ажиллагаа сайжирна” гэж   ХМТАЦ-ийн Галын автоматикийн инженер Э.Энхтүвшин ярилаа.

Я.Энхтуяа

LEAVE A REPLY

Please enter your comment!
Please enter your name here